Ayoko Nang Umibig Pa
Sa himig ng ?I?ll Never Fall in Love Again?

Ano?ng mapapala kung iibig ka?
Sakit ng ulo lang ang makukuha,
At palagi pang ubos ang pera.
Ay! Ayoko nang umibig pa...
Ay! Ayoko nang umibig pa!

E ano ngayon kung nakahalik ka?
Kumapit lang sa ?yo ang kanyang baktirya,
Wala siyang paki kung lagnatin ka.
Ay! Ayoko nang umibig pa...
Ay! Ayoko nang umibig pa!

Huwag mo akong paandaran.
Ako?y galing na sa ganyang sistema.
Alam ko na ?yan. ?Yan ay problema,
Hoy, tama na! Huwag kang madrama!

Ano?ng mapapala kung iibig ka?
Pait, pighati, at pagdurusa.
Kaya mula ngayon hanggang umaga
Ay ayoko nang umibig pa...
Ay! Ayoko nang umibig pa!

Nakaliliyo
Sa himig ng ?Love Me Tender?

Ang pag-ibig ko sa ?yo,
Nakaliliyo.
Parang beergincoke ito:
May sipang kabayo.
Pagsinta at pag-irog
Ay lapad, bilog,
Longneck at kuwatro kantos,
Basi?t lambanog.
Lakad ko?y parang lumpo,
Parang turumpo.
Para ?kong nirapido
Ni Fernando Poe.
Pagsinta at pag-irog
Ay lapad, bilog,
Longneck at kuwatro kantos,
Basi?t lambanog.

Tag-araw
Sa himig ng ?Summertime?

Tag-araw,
At ayos lang ang buhay.
May kanin at ulam
Sa hapag-kainan.
Ama?t ina
Sa iyo?y may pamana.
Sanggol, sa iyong duyan,
Tahan na, tahan.
Balang araw,
Aalis ka sa duyan.
Mula sa pugad,
Malaya kang lilipad.
Samantala,
Kami ang mag-aalaga,
Ang nanay at tatay,
Nagbabantay.

Buong-Buo
Sa himig ng ?All of Me?

Buong-buo, ako ay kunin mo.
Walang silbi ang pira-piraso.
Labi ko, kamay, at bisig,
Hindi ko na ngayon magamit.
Nang ako ay iwan mong bigla,
Ang natira ay matang may luha.
Ang puso ko ay nakuha mo,
Kunin mo na ang buong ako.